Il provedider da questa pagina-web relevescha ed arcunescha automaticamain infurmaziuns en uschenumnadas datotecas server-log che Voss navigatur transmetta automaticamain a nus. Quai èn:

• tip da navigatur e versiun da navigatur
• sistem operativ utilisà
• referrer URL
• num dal host dal computer che acceda a la pagina-web
• temp da la dumonda dal server

Questas datas n'èn betg attribuiblas a tschertas persunas. Questas datas na vegnan betg cumbinadas cun autras  datas. Nus ans resalvain il dretg d'examinar posteriuramain questas datas, sche nus intervegnin indizis concrets d'ina utilisaziun illegala.

Sche Vus ans tramettais dumondas via il formular da contact, arcunain nus Vossas indicaziuns en il formular incl. las datas da contact che Vus inditgais là per elavurar la dumonda e per eventualas dumondas consecutivas e quai fin che nus avain terminà l'elavuraziun. Questas datas na dain nus betg vinavant senza Voss consentiment.

Sche Vus vulais survegnir la newsletter che nus purschain sin questa pagina-web, duvrain nus da Vus in'adressa dad e-mail ed infurmaziuns che ans permettan d'examinar che Vus essas la proprietaria u il proprietari da l'adressa dad e-mail inditgada e che Vus essas d'accord che Vus retschavais la newsletter. Ulteriuras datas na vegnan betg relevadas. Questas datas utilisain nus sulettamain per spedir las infurmaziuns dumandadas e na dain betg vinavant ellas a terzs.

Il consentiment accordà per arcunar las datas per l'elavuraziun e l'adressa dad e-mail sco era per utilisar lezza per spedir la newsletter pudais Vus revocar da tut temp, p.ex. via la colliaziun per annullar l'abunament che Vus chattais en la newsletter.

Per la spediziun da nossa newsletter utilisain nus servetschs da commerzialisaziun per e-mail mess a disposiziun da terzs. Nossa newsletter cuntegna perquai in uschenumnà web beacon (pixel dumbrader) u meds tecnics sumegliants. In web beacon è ina grafica betg vesaivla d'ina grondezza dad 1x1 pixel che stat en connex cun l'ID da l'utilisadra resp. da l'utilisader da las persunas che han abunà la newsletter. Quest pixel vegn abunà pir cura che Vus laschais visualisar ils maletgs da la newsletter. Il regress a servetschs correspundents dat la pussaivladad d'evaluar, schebain ils e-mails cun nossa newsletter èn vegnids averts. En pli èsi pussaivel da registrar e d'evaluar il cumportament da cliccar da las retschavidras e dals retschaviders da la newsletter. Nus utilisain questas datas per intents statistics e per optimar il cuntegn e la structura da la newsletter. Quai ans pussibilitescha dad adattar meglier las infurmaziuns e purschidas en nossa newsletter tenor ils interess da nossas lecturas e noss lecturs. Il pixel dumbrader vegn stizzà, cura che Vus stizzais la newsletter. Nus arcunain las datas uschè ditg che quai è necessari per l'elavuraziun. Per supprimer pixels da tracking en nossa newsletter stuessas Vus configurar Voss program dad e-mail uschia ch'i na vegn mussà nagin HTML en ils messadis.

Nus elavurain Vossas datas per ils intents che nus explitgain en il sequent. Quests intents resp. las finamiras davos quels correspundan ad interess giustifitgads da nus ed ev. da terzs. Sutvart chattais Vus ulteriuras infurmaziuns davart las basas legalas.

Nus elavurain Vossas datas per intents en connex cun la communicaziun cun Vus, en spezial per respunder a dumondas, elavurar annunzias per occurrenzas da la SAS Grischun, validar Voss dretgs e contactar Vus en cas da dumondas consecutivas. Per quai utilisain nus en spezial datas da communicaziun e datas da basa ed en connex cun purschidas e servetschs utilisads da Vus era datas da registraziun. Nus tegnain en salv questas datas per documentar nossa communicaziun cun Vus, far scolaziuns, segirar la qualitad e far dumondas consecutivas.

Nus elavurain datas per iniziar, administrar e liquidar relaziuns da contract.

Nus elavurain datas per far marketing e tgirar contacts, p.ex. per trametter a nossa clientella ed a nossas partenarias ed a noss partenaris da contract reclama persunalisada per noss servetschs. Quai po capitar p.ex. en furma da newsletters, e-mails cun novitads ed auters contacts regulars (a moda electronica, per posta u per telefon), via auters chanals, per ils quals nus disponin da Vossas infurmaziuns da contact, ma er en il rom da singulas acziuns da marketing (p.ex. events, concurrenzas etc.). Vus pudais refusar tals contacts da tut temp resp. refusar u revocar in consentiment da contactar Vus per intents da reclama. Cun Voss consentiment pudain nus optimar nossa reclama online tenor Voss interess. La finala vulain nus era pussibilitar a nossas partenarias ed a noss partenaris da contract da pledentar nossa clientella ed autras partenarias resp. auters partenaris da contract per intents da reclama.

En pli elavurain nus Vossa datas per la perscrutaziun dal martgà e per meglierar noss servetschs e noss manaschi.

Nus pudain elavurar Vossas datas era per intents da segirtad e per controllar l'access.

Nus elavurain datas persunalas per observar leschas, directivas e recumandaziuns dad autoritads e reglaments interns («compliance»).

Nus pudain elavurar Vossas datas per ulteriurs intents, p.ex. en il rom da noss process interns e da nossa administraziun ubain per scolaziuns e per segirar la qualitad.

Datas persunalas èn tut las indicaziuns che sa refereschan ad ina tscherta persuna u ad ina persuna determinabla. Ina persuna pertutgada è ina persuna, da la quala las datas persunalas vegnan elavuradas. L'elavuraziun cumpiglia mintga tractament da datas persunalas, independentamain dals meds e proceders applitgads, en spezial conservar, publitgar, procurar, stizzar, arcunar, modifitgar, eliminar ubain applitgar datas persunalas.

Cun visitar questa pagina-web giais Vus d'accord che datas vegnan relevadas, elavuradas ed utilisadas tenor la descripziun suandanta. Questa pagina-web po vegnir visitada da princip senza registraziun. En quest connex vegnan datas sco p.ex. paginas consultadas resp. ils nums da la datoteca consultada, la data ed il temp arcunadas sin il server per intents statistics, senza che questas datas pudessan sa referir immediat a Vossa persuna. Datas persunalas, en spezial il num, l'adressa u l'adressa dad e-mail, vegnan relevadas tant sco pussaivel sin basa voluntara. Senza Voss consentiment na vegnan las datas betg dadas vinavant a terzs.

Nus elavurain las datas persunalas en accord cun il dretg davart la protecziun da datas svizzer, chantunal e naziunal. Dal rest elavurain nus datas persunalas – tant enavant che e sche insumma la EU-DSGVO è applitgabla – tenor las suandantas basas legalas en connex cun art. 6 al. 1 DSGVO (colliaziun a la pagina tudestga).

Nus elavurain Vossas datas uschè ditg che quai correspunda a noss intent d'elavuraziun, als termins da conservaziun legals ed a noss interess giustifitgads d'elavurar ellas per intents da documentaziun e da cumprova ubain ad in'arcunaziun necessaria per motivs tecnics. Ulteriuras indicaziuns davart la durada d'arcunaziun e d'elavuraziun chattais Vus tar las singulas categorias da datas e tar las categorias da cookies. Sch'i na dat naginas obligaziuns legalas u contractualas cuntrarias, stizzain u anonimisain nus Vossas datas en il rom da noss proceders usitads suenter ch'il temp d'arcunar u d'elavurar è scadì.

Per garantir ina protecziun che correspunda a la ristga prendain nus mesiras tecnicas ed organisatoricas adattadas en il rom da las prescripziuns legalas resguardond il stadi tecnic, ils custs d'implementaziun ed il gener, la dimensiun, las circumstanzas ed ils intents da l'elavuraziun sco er ils cas probabels ed il grad da smanatscha dals dretgs e da las libertads da persunas natiralas.

Tar las mesiras tutgan en spezial la garanzia da la confidenzialitad, da l'integritad e da la disponibladad da las datas sin basa d'ina controlla da lur accessibladad fisica ed electronica sco era da lur access, endataziun, transmissiun, segirezza da disponibladad e separaziun. En pli avain nus configurà proceders che permettan da fa valair ils dretgs da persunas pertutgadas, da stizzar datas e da reagir sin periclitaziuns da las datas. Plinavant resguardain nus la protecziun da datas persunalas gia durant il svilup resp. la selecziun da hardware, software e proceders tenor il princip da la protecziun da datas sco era tras la concepziun tecnica e tras preconfiguraziuns en il senn da la protecziun da datas.

En collavuraziun cun noss provediders da hosting ans stentain nus da proteger las bancas da datas uschè bain sco pussaivel d'access esters, da perditas, d'abus e da sfalsificaziuns.

Questa pagina-web utilisescha per motivs da segirezza e per proteger la transmissiun da cuntegns confidenzials, sco p.ex. dumondas che Vus tramettais a nus sco gestiunaria da la website, in criptadi SSL-/TLS. Ch'i sa tracta d'ina colliaziun criptada vesais Vus vi dal fatg che la lingia d'adressa dal navigatur mida da «http://» sin «https://» e vi dal simbol da marschlos en la lingia dal navigatur.

Sch'il criptadi SSL resp. TLS è activà, n'èsi betg pussaivel che terzs pon leger las datas che Vus tramettais a nus. Nus rendain attent che la transmissiun da datas en l'internet (p.ex. cun communitgar per e-mail) po avair largias da segirezza. Ina protecziun cumpletta da las datas cunter l'access da terz n'è betg pussaivla.

Vus pudais far valair tut Voss dretgs tar il post cumpetent menziunà al cumenzament.

Mintga persuna pertutgada da l'elavuraziun da datas persunalas ha il dretgs da survegnir da nus da tut temp e gratuitamain infurmaziuns davart las datas persunalas arcunadas davart ella sco er ina copia da questas infurmaziuns. Igl exista in dretg sin infurmaziun davart:

• ils intents da l'elavuraziun
• las categorias da datas persunalas che vegnan elavuradas
• las retschavidras ed ils retschaviders che han vis u che vegnan anc a vesair las datas persunalas, en spezial retschavidras e retschaviders da terzs pajais u tar organisaziuns internaziunalas
• sche pussaivel, la durada planisada da l'arcunaziun da las datas persunalas, ubain, sche quai n'è betg pussaivel, ils criteris per fixar questa durada
• l'existenza d'in dretg sin la rectificaziun u l'eliminaziun da las datas persunalas che pertutgan Vus u d'in dretg sin l'elavuraziun restrenschida tras la responsabla / il responsabel ubain l'existenza d'in dretg d'opposiziun cunter questa elavuraziun
• l'existenza d'in dretg da recurrer ad in'autoritad da surveglianza
• tut las infurmaziuns disponiblas davart l'origin da las datas, sche las datas persunalas na vegnan betg relevadas tar la persuna pertutgada

En pli ha la persuna pertutgada il dretg da survegnir infurmaziuns, schebain datas persunalas vegnan transmessas ad in terz pajais u ad in'organisaziun internaziunala. Sche quai è il cas, ha la persuna pertutgada il dretg supplementar da survegnir infurmaziuns davart garanzias adattadas en connex cun la transmissiun.

Mintga persuna pertutgada da l'elavuraziun da datas persunalas ha il dretg da pretender la rectificaziun immediata da datas persunalas incorrectas che pertutgan ella. En pli ha la persuna pertutgada il dretg da pretender, resguardond ils intents da l'elavuraziun, la cumplettaziun da datas persunalas incumplettas – er a maun d'ina explicaziun cumplementara.

Sche Vus vulais fa valair quest dretg sin rectificaziun, pudais Vus contactar da tut temp nossa cussegliadra u noss cussegliader per dumondas da la protecziun da datas.

Mintga persuna pertutgada da l'elavuraziun da datas persunalas ha il dretg da pretender da nus che las datas persunalas che pertutgan ella vegnian stizzadas immediat, premess ch'in dals suandants motivs constettia:

• Las datas persunalas èn vegnidas relevadas per tals intents u elavuradas en in'autra moda che na correspunda betg pli ad ina necessitad.
• La persuna pertutgada revochescha ses consentiment ch'è stà la basa per l'elavuraziun ed i manca in auter fundament giuridic per l'elavuraziun.
• La persuna pertutgada fa opposiziun cunter l'elavuraziun per motivs che sa resultan da sia situaziun speziala ed i na dat nagins motivs giustifitgads prioritars per l'elavuraziun, ubain la persuna pertutgada fa opposiziun cunter l'elavuraziun en cas da reclama directa ed il profiling collià cun lezza.
• Las datas persunalas èn vegnidas elavuradas a moda illegitima.
• L'eliminaziun da las datas persunalas è necessaria per ademplir in'obligaziun giuridica tenor il dretg applitgabel, al qual la responsabla u il responsabel suttastat.
• Las datas persunalas èn vegnidas relevadas en connex cun servetschs purschids da la societad d'infurmaziun offerts directamain ad in uffant.

Mintga persuna pertutgada da l'elavuraziun da datas persunalas ha il dretg da pretender da nus in'elavuraziun limitada, premess ch'ina da las suandantas cundiziuns constettia:

• La correctadad da las datas persunalas vegn contestada da la persuna pertutgada e quai per ina durada che pussibilitescha a la responsabla u al responsabel da verifitgar la correctadad da las datas persunalas.
• L'elavuraziun n'è betg legitima, la persuna pertutgada refusescha l'elimiaziun da las datas persunalas e pretenda enstagl in'utilisaziun limitada da las datas persunalas.
• La responsabla u il responsabel na dovra betg pli las datas persunalas per ils intents da l'elavuraziun, ma la persuna pertutgada las dovra per far valair, exercitar u defender pretensiuns legalas.
• La persuna pertutgada ha per motivs che sa resultan da sia situaziun speziala fatg opposiziun cunter l'elavuraziun ed i n'è anc betg cler, sch'ils motivs da la responsabla u dal responsabel paisan dapli en cumparegliaziun cun quels da la persuna pertutgada.

Mintga persuna pertutgada da l'elavuraziun da datas persunalas ha il dretg da survegnir las datas persunalas che pertutgan ella en in format structurà, usità e legibel sin il computer. En pli ha ella il dretg che questas datas vegnan transmessas ad in'autra responsabla u ad in auter responsabel, sche las premissas legalas èn avant maun.

Plinavant ha la persuna pertutgada il detg dad effectuar ch'ina responsabla u in responsabel transmettia las datas persunalas directamain ad in'autra responsabla resp. ad in auter responsabel, sche la tecnica permetta quai e sche quai na restrenscha betg ils dretgs e las libertads dad autras persunas.

Mintga persuna pertutgada da l'elavuraziun da datas persunalas ha per motivs che sa resultan da sia situaziun speziala il dretg da far da tut temp opposiziun cunter l'elavuraziun da datas persunalas che pertutgan ella.

En cas ch'i vegn fatg opposiziun n'elavurain las datas persunalas betg pli, nun che nus possian cumprovar motivs urgents digns da vegnir protegids en connex cun l'elavuraziun che paisan dapli en cumparegliaziun cun ils interess, ils dretgs e las libertads da la persuna pertutgada, ubain sche l'elavuraziun gida a far valair, exercitar u defender pretensiuns legalas.

Mintga persuna pertutgada da l'elavuraziun da datas persunalas ha il dretg da revocar da tut temp in consentiment per elavurar datas persunalas.

Mintga persuna pertutgada da l'elavuraziun da datas persunalas ha il dretg da far recurs tar l'autoritad da surveglianza cumpetenta en connex cun elavuraziuns da datas illegitimas. La responsabladad sa drizza tenor art. 6 LCPD.

Questa pagina-web utilisescha cookies. Cookies èn datotecas da text che cuntegnan datas da websites visitadas e che vegnan arcunadas d'in navigatur sin il computer da l'utilisadra resp. da l'utilisader. In cookie gida en emprima lingia ad arcunar las infurmaziuns davart in'utilisadra u in utilisader durant u suenter sia consultaziun d'ina purschida online. Tar las indicaziuns arcunadas pon tutgar p.ex. las configuraziuns linguisticas u il lieu, nua ch'ins ha guardà in video. Tar ils cookies quintain nus en pli autras tecnologias che adempleschan las medemas funcziuns sco cookies (p.ex. sche indicaziuns da las utilisadras e dals utilisaders vegnan arcunadas cun agid da signalisaziuns online sut in pseudonim, era numnadas «ID da l'utilisadra/utilisader»).

I vegn fatg la differenza tranter ils suandants tips da cookies e lur funcziuns:

• Cookies temporars (era: cookies da seduta): Ils cookies temporars vegnan stizzads il pli tard suenter ch'ina utilisadra u in utilisader ha bandunà ina purschida online e serrà ses navigatur.
• Cookies permanents: Ils cookies permanents restan arcunads era suenter ch'il navigatur è vegnì serrà. Quai permetta d'arcunar p.ex. il status da login ubain da visualisar directamain cuntegns preferids, cura che l'utilisadra u l'utilisader visita ina pagina-web la proxima gia. In tal cookie po er arcunar ils interess da las utilisadras e dals utilisaders per mesirar il radius u per intents da marketing.
• First-Party-Cookies: Ils First-Party-Cookies mettain nus sezs.
• Third-Party-Cookies (era: cookies da terzs): Ils cookies da terzs vegnan utilisads en emprima lingia da fatschentas da reclama (uschenumnads terzs) per elavurar infurmaziuns d'utilisadras e d'utilisaders.
• Cookies necessaris (era: cookies essenzials ubain exnum necessaris): I dat cookies che pon esser exnum necessaris per il manaschi d'ina pagina-web (p.ex. per arcunar logins u autras indicaziuns d'utilisadras e d'utilisaders u per motivs da segirezza).
• Cookies da statistica, marketing u persunalisaziun: En pli utilisesch'ins ils cookies per regla era per mesirar ils radius e per arcunar ils interess d'ina utilisadra u d'in utilisader u ses cumportament (p.ex. guardar tscherts cuntegns, far diever da tschertas funcziuns etc.) sin singulas paginas-web en in profil d'utilisadra/utilisader. Tals profils gidan a mussar a las utilisadras ed als utilisaders p.ex. cuntegns che correspundan a lur interess potenzials. Questa metoda vegn era numnada «tracking» e pussibilitescha da reconstruir ils interess potenzials da las utilisadras e dals utilisaders. Uschenavant che nus applitgain cookies u tecnologias da tracking As infurmain nus dapersai en questa decleraziun davart la protecziun da datas ubain en il rom d'ina dumonda da consentiment.

Remartgas davart las basas giuridicas: Sin tge basa giuridica che nus elavurain Vossas datas persunalas cun agid da cookies dependa, schebain nus dumandain Voss consentiment. Sche Vus essas d'accord cun l'utilisaziun da cookies, vala Voss consentiment sco basa giuridica per l'elavuraziun da Vossas datas. Cas cuntrari vegnan las datas elavuradas cun agid da cookies tractadas sin basa da noss interess giustifitgads (p.ex. per ina gestiun economica da nossa purschida online e sia optimaziun) ubain, sch'il diever da cookies è necessari, per ademplir nossas obligaziuns contractualas.

Durada da l'arcunaziun: Sche nus na communitgain naginas infurmaziuns explicitas davart la durada da l'arcunaziun da cookies permanents (p.ex. en il rom d'uschenumnads cookies opt-in), stuais Vus partir dal fatg che las datas pon vegnir arcunadas fin dus onns.

Remartgas generalas davart la revocaziun e l'opposiziun (opt-out): Tut tenor sche l'elavuraziun succeda sin basa d'in consentiment u suenter ina lubientscha giuridica avais Vus da tut temp la pussaivladad da revocar in consentiment u da far opposiziun cunter l'elavuraziun da Vossas datas cun agid da tecnologias da cookies (numnà «opt-out»). Sco emprim pudais Vus declerar Vossa opposiziun cun las configuraziuns da Voss navigatur, p.ex. cun deactivar l'utilisaziun da cookies (quai po però era restrenscher la funcziunalitad da nossa purschida online). In'opposiziun cunter il diever da cookies per intents da marketing online po era vegnir declerada cun numerus servetschs. Ultra da quai pudais Vus retschaiver ulteriuras notificaziuns d'opposiziun en il rom da las infurmaziuns davart ils purschiders e cookies utilisads.

Elavuraziun da datas da cookies sin basa d'in consentiment: Nus faschain diever d'in proceder per administrar il consentiment en connex cun cookies. En il rom da quel vegn dumandà il consentiment da l'utilisadra/utilisader per il diever da cookies resp. il consentiment per las elavuraziuns e per ils purschiders numnads en il rom da quest proceder. En il rom da quest proceder pon las utilisadras ed ils utilisaders er administrar e revocar lur consentiments. En quest connex vegn arcunada la decleraziun da consentiment per betg la stuair dumandar puspè e per pudair cumprovar il consentiment en accord cun l'obligaziun legala. L'arcunaziun po succeder sin in server e/u en in cookie (uschenumnà cookie opt-in resp. cun agid da tecnologias sumegliantas) per pudair attribuir il consentiment ad in'utilisadra u ad in utilisader resp. a ses apparat. Cun resalva dad indicaziuns individualas davart ils purschiders da servetschs d'administraziun da cookies valan las suandantas remartgas: l'arcunaziun dal consentiment po durar fin dus onns. Durant quest process vegn furmà in identificatur cun in pseudonim da l'utilisadra/utilisader ed arcunà cun il termin dal consentiment, indicaziuns davart il radius dal consentiment (p.ex. tge categorias da cookies e/u purschiders da servetschs) sco era cun il navigatur, il sistem e l'apparat final utilisà.

• Tips da datas elavuradas: datas d'utilisaziun (p.ex. paginas-web visitadas, interess per cuntegns, durada da las visitas), metadatas/datas da communicaziun (p.ex. infurmaziuns davart l'apparat, adressas IP).
• Persunas pertutgadas: utilisadra ed utilisader (p.ex. tgi visita la pagina-web, tgi utilisescha servetschs online).
• Basas giuridicas: consentiment (art. 6 al. 1 p. 1 lit. a. DSGVO), interess giustifitgads (art. 6 al. 1 lit. f. DSGVO).

La pagina-web digezz.ch, la plattafurma da producziun dal studi da bachelor Multimedia Production, cuntegna il Consent Manager Cookiebot da la firma Usercentrics GmbH (numnada silsuenter «Usercentrics»). Usercentrics è in’interpresa tudestga cun sedia a Minca che porscha soluziuns en il sectur da la protecziun da datas extendida. Ella sustegna organisaziuns ed interpresas d’obtegnair, administrar e documentar consentiments d’utilisadras e d’utilisaders sin paginas-web ed en apps. Cookiebot blochescha automaticamain eventuals cookies e fastizaders fin che las utilisadras ed ils utilisaders han declerà explicitamain lur consentiment.

Ulteriuras infurmaziuns davart la protecziun da datas e davart dretgs da persunas pertutgadas en connex cun Cookiebot chattais Vus en la decleraziun da protecziun da datas da Cookiebot: https://www.cookiebot.com/de/privacy-policy/.

En il rom da nossa elavuraziun da datas persunalas poi capitar che las datas vegnan transmessas u palesadas ad auters posts ed ad autras interpresas, ad unitads d'organisaziun giuridicamain independentas u a persunas. Talas datas pon retschaiver p.ex. purschiders incumbensads cun lavurs dad IT u purschiders da servetschs e cuntegns integrads en la pagina-web. En tals cas observain nus las disposiziuns legalas e faschain cun las retschavidras ed ils retschaviders da Vossas datas contracts resp. cunvegnas correspundentas che servan a la protecziun da Vossas datas. Faschai p.pl. stim dals servetschs menziunads sut «Servetschs da marketing e tracking».

Ultra dal hosting sin noss servers interns è era l'interpresa Ops One-AG, Svizra, incumbensada cun il hosting da nossa pagina-web. L'Ops One-AG creescha per mintga access a la pagina-web datotecas da log standardisadas sin il webserver: adressa IP, data e temp incl. zona da temp, dumonda dal navigatur incl. origin da la dumonda (referrer), sistem operativ utilisà incl. surfatscha d'utilisader e versiun, navigatur utilisà incl. lingua e versiun, quantitad da datas transmessas. Las datotecas da log gidan ad identifitgar problems tecnics, garantir la segirezza ed evaluar l'utilisaziun da nossa pagina-web. Las datas vegnan arcunadas sin servers en Svizra (sche correct). Ulteriuras infurmaziuns: Decleraziun davart la protecziun da datas Ops One-AG.

Questa pagina-web fa diever dal Google Conversion-Tracking. Sche Vus esss vegnì sin nossa pagina-web via ina reclama preschentada da Google, metta Google Ads in cookie sin Voss computer. Il cookie per il Conversion-Tracking vegn mess, sch'ina utilisadra u in utilisader clichescha sin ina reclama preschentada da Google. Quests cookies perdan lur valaivladad suenter 30 dis e na servan betg a l'identificaziun persunala. Sch'ina utilisadra u in utilisader visita tschertas paginas da nossa website ed il cookie n'è betg anc scadì, pudain nus e Google vesair che l'utilisadra u l'utilisader ha cliccà sin la reclama ed è vegnida renviada resp. vegnì renvià a questa pagina. Tut las clientas e tut ils clients da Google-Ads survegnan in auter cookie. I n'è pia betg pussaivel da fastizar cookies via la pagina-web da la clientella da Google-Ads. Las infurmaziuns gudagnadas cun agid dals cookies da conversiun gidan a cumpilar statisticas da conversiun per la clientella da Google-Ads ch'è sa decidida per il Conversion-Tracking. La clientella vegn a savair il dumber total d'utilisadras e d'utilisaders che han cliccà sin lur reclama cumbinà cun in renviament ad ina pagina munida cun in Conversion-Tracking-Tag. La clientella na survegn però naginas infurmaziuns che permettan in'identificaziun persunala da las utilisadras u dals utilisaders.

Sche Vus na vulais betg As participar al tracking, pudais Vus refusar ch'ils cookies necessaris vegnian mess – p.ex. cun configurar Voss navigatur uschia ch'el deactivescha en general la funcziun che metta automaticamain cookies u che Vus configurais Voss navigatur uschia che cookies vegnan bloccads.

Faschai p.pl. stim che Vus na dastgais betg stizzar cookies dal tip opt-out uschè ditg che Vus na giavischais nagina registraziun da datas da mesiraziun. Sche Vus avais stizzà tut ils cookies en il navigatur, stuais Vus metter da nov il cookie correspundent dal tip opt-out.

Questa pagina-web utilisescha la funcziun da remarketing da Google Inc. Cun questa funcziun vegnan preschentadas entaifer la rait da reclama da Google reclamas che correspundan als interess da las visitadras e dals visitaders da la pagina-web. En il navigatur da las visitadras e dals visitaders da la pagina-web vegn arcunà in uschenumnà cookie che pussibilitescha da reidentifitgar la visitadra u il visitader, cura che lez u lezza va sin ina pagina-web che fa part da la rait da reclama da Google. Sin questas paginas pon vegnir preschentadas a la visitadra u al visitader reclamas che sa refereschan a cuntegns che la visitadra u il visitader ha consultà avant sin paginas-web che fan diever da la funcziun da remarketing da Google.

Tenor atgnas indicaziuns na relevescha Google cun questa metoda naginas datas persunalas. Sche Vus na giavischais tuttina betg la funcziun da remarketing da Google, la pudais Vus da princip deactivar cun far las configuraziuns correspundentas sin http://www.google.com/settings/ads.

Questa pagina-web utilisescha Google Analytics, in servetsch per l'analisa dal web da Google Ireland Limited. Responsabel per l'elavuraziun da las datas da Google Analytics e retschavider da las datas è Google Ireland Limited (en il sequent: Google).

Las statisticas generadas ans gidan ad optimar nossa purschida e la render pli interessanta per Vus sco utilisadra ed utilisader. Questa pagina-web utilisescha Google Analytics plinavant per analisar sur tut ils apparats ora l'affluenza da visitadras e visitaders. L'analisa vegn fatga via in'ID da l'utilisadra resp. da l'utilisader. Sche Vus avais in conto d'utilisader da Google, pudais Vus deactivar l'analisa cumplessiva da Vossa utilisaziun en las configuraziuns respectivas sut «mias datas», «datas persunalas».

La basa per utilisar Google Analytics è noss grond interess cumplessiv. L'adressa IP transmessa da Voss navigatur en il rom da Google Analytics na vegn betg cumbinada cun autras datas da Google. Nus rendain attent che Google Analytics è vegnì cumplettà sin questa pagina-web cun il code «_anonymizeIp();» per garantir ina registraziun anonimisada dad adressas IP. Uschia vegnan las adressas IP elavuradas vinavant en ina moda abreviada che impussibilitescha da far in connex cun ina tscherta persuna. Uschenavant ch'i vegn fatg in connex cun Vossa persuna a maun da las datas relevadas davart Vus, vegn quel pia exclus directamain e las datas persunalas vegnan anonimisadas immediat.

Mo en cas excepziunals vegn l'adressa IP cumpletta transmessa ad in server da Google en ils Stadis Unids da l'America ed abreviada là. Per incumbensa da la gestiunaria da questa pagina-web vegn Google ad utilisar questas infurmaziuns per evaluar Voss diever da la pagina-web, per cumpilar rapports davart las activitads sin la pagina-web e per prestar ulteriurs servetschs per la gestiunaria da la pagina-web che stattan en connex cun l'utilisaziun da la pagina-web e da l'internet.

Google Analytics utilisescha cookies. Las infurmaziuns generadas dal cookie davart Vossa utilisaziun da questa pagina-web vegnan transmessas per regla ad in server da Google en ils Stadis Unids da l'America ed arcunadas là. Vus pudais impedir l'arcunaziun dals cookies cun ina configuraziun correspundenta da la software da Voss navigatur; nus rendain però attent che Vus na pudais lura betg pli far diever cumplainamain da tut las funcziuns sin questa pagina-web. Plinavant pudais Vus impedir la registraziun da las datas generadas dal cookie che sa refereschan a Voss diever da la pagina-web (incl. Vossa adressa IP) per mauns da Google sco era l'elavuraziun da questas datas tras Google cun telechargiar ed installar in plug-in adattà per Voss navigatur.

Cun quest pass vegn arcunà in uschenumnà cookie opt-out sin Voss purtader da datas che impedescha l'elavuraziun da datas persunalas tras Google Analytics. Faschai p.pl. stim che era quests cookies opt-out vegnan stizzads, sche Vus stizzais tut ils cookies sin Voss apparat final. Vus stuais pia metter da nov tut ils cookies opt-out, sche Vus vulais impedir vinavant questa furma da la relevaziun da datas. Ils cookies opt-out èn mess individualmain per mintga navigatur e computer/apparat final e ston perquai vegnir activads separadamain per mintga navigatur, computer u auter apparat final.

Sin questa pagina-web è integrada la soluziun da tracking fusedeck da la Capture Media AG (en il sequent «Capture Media»). Capture Media è in'interpresa svizra cun sedia a Turitg che ha l'incumbensa da mesirar l'utilisaziun da questa pagina-web en il rom dad engaschaments ed occurrenzas. Il tracking vegn fatg a moda anonima, uschia ch'i n'è betg pussaivel da stabilir in connex cun tschertas persunas u cun persunas determinablas.

Sin questa pagina-web registrescha Capture Media cun fusedeck era datas en formulars. La registraziun succeda a moda persunala. Tar in formular pertutgà cumparan infurmaziuns correspundentas davart la protecziun da datas. La registraziun capita en accord cun la Lescha federala davart la protecziun da datas (LFPD) e – sche e tant enavant che quella è applitgabla – cun l'Ordinaziun da basa davart la protecziun da datas (DSGVO) da l'Uniun europeica.

Ulteriuras infurmaziuns davart la protecziun da datas e davart ils dretgs da persunas pertutgadas en connex cun fusedeck incl. la pussaivladad «opt-out» (pussaivladad da far opposiziun) chatt'ins en la decleraziun davart la protecziun da datas ed en l'instrucziun davart l'opposiziun.

https://privacy.fusedeck.net/de/zsNmZ9dOGz

Questa pagina-web utilisescha funcziuns da Facebook Inc., 1601 S. California Ave, Palo Alto, CA 94304, USA. Sche Vus visitais nossas paginas cun plug-ins da Facebook, vegn stabilida ina colliaziun tranter Voss navigatur ed ils servers da Facebook. Durant quest process vegnan gia transmessas datas a Facebook. Sche Vus avais in conto da Facebook, pon questas datas vegnir colliadas cun quest conto. Sche Vus na giavischais nagina attribuziun da questas datas a Voss conto da Facebook, As deconnectai p.pl. da Facebook avant che Vus visitais nossa pagina-web. Interacziuns, en spezial far diever d'ina funcziun da commentar u cliccar sin ils buttuns «Like» u «Parter», vegnan medemamain transmessas a Facebook. Dapli infurmaziuns chattais Vus sin https://de-de.facebook.com/about/privacy.

Questa pagina-web utilisescha funcziuns da Twitter, Inc., 1355 Market St, Suite 900, San Francisco, CA 94103, USA. Sche Vus visitais nossas paginas cun plug-ins da Twitter, vegn stabilida ina colliaziun tranter Voss navigatur ed ils servers da Twitter. Durant quest process vegnan gia transmessas datas a Twitter. Sche Vus avais in conto da Twitter, pon questas datas vegnir colliadas cun quest conto. Sche Vus na giavischais nagina attribuziun da questas datas a Voss conto da Twitter, As deconnectai p.pl. da Twitter avant che Vus visitais nossa pagina-web. Interacziuns, en spezial cliccar sin in buttun «Re-Tweet», vegnan medemamain transmessas a Twitter.

Dapli infurmaziuns chattais Vus sin https://twitter.com/privacy.

Sin nossa pagina-web èn integradas funcziuns dal servetsch Instagram. Quellas funcziuns vegnan purschidas dad Instagram Inc., 1601 Willow Road, Menlo Park, CA, 94025, USA. Sche Vus essas connectada resp. connectà cun Voss conto dad Instagram, pudais Vus cliccar sin il buttun dad Instagram per colliar ils cuntegns da nossas paginas cun Voss profil dad Instagram. Uschia po Instagram attribuir la visita da nossas paginas a Voss conto d'utilisader. Nus rendain attent che nus sco purschidra da las paginas na survegnin naginas infurmaziuns davart il cuntegn da las datas transmessas e da lur utilisaziun tras Instagram.

Ulteriuras infurmaziuns chattais Vus en la decleraziun da la protecziun da datas dad Instagram: http://instagram.com/about/legal/privacy/

Per nossa purschida online utilisain nus ils servetschs da marketing da la rait sociala LinkedIn da LinkedIn Ireland Unlimited Company, Wilton Plaza, Wilton Place, Dublin 2, Ireland («LinkedIn»).

Quels utiliseschan cookies, pia datotecas da text che vegnan arcunadas sin Voss computer. Quai ans pussibilitescha dad analisar co che Vus faschais diever da nossa pagina-web. Nus pudain mesirar p.ex. il success da nossa reclama e preschentar products, per ils quals las utilisadras ed ils utilisaders han mussà interess.

La registraziun cumpiglia p.ex. infurmaziuns davart il sistem operativ, il navigatur, la pagina-web che Vus avais consultà avant (referrer-URL), tge paginas-web che l'utilisadra/utilisader han visità, tge purschidas ch'èn vegnidas cliccadas e la data ed il temp da Voss visita sin noss pagina-web.

Las infurmaziuns ch'il cookie generescha davart Vossa utilisaziun da questa pagina-web vegnan transmessas sut in pseudonim al server da LinkedIn en ils Stadis Unids da l'America ed arcunadas là. LinkedIn n'arcunescha pia betg il num u l'adressa dad e-mail d'ina utilisadra u d'in utilisader. Las datas menziunadas survart vegnan attribuidas pia mo a quella persuna, tar la quala il cookie è vegnì generà. Quai na vala betg, sche l'utilisadra/utilisader ha permess a LinkedIn in'elavuraziun senza pseudonim u sch'ella ha in conto da LinkedIn.

Vus pudais impedir l'arcunaziun dals cookies cun ina configuraziun correspundenta da la software da Voss navigatur; nus rendain però attent che Vus na pudais lura betg pli far diever cumplainamain da tut las funcziuns sin questa pagina-web. Vus pudais era far directamain opposiziun tar LinkedIn cunter l'utilisaziun da Vossas datas: https://www.linkedin.com/psettings/guest-controls/retargeting-opt-out.

Nus utilisain LinkedIn Analytics per pudair analisar ed optimar regularmain il diever da nossa pagina-web. Grazia a las statisticas generadas pudain nus meglierar nossa purschida e la render pli interessanta per Vus sco utilisadra resp. utilisader. Tut las interpresas da LinkedIn han approvà las clausulas da contract standardisadas per garantir ch'il traffic da datas en ils Stadis Unids da l'America ed a Singapur ch'è necessari per sviluppar, realisar e mantegnair ils servetschs succeda a moda legala.

Infurmaziuns dal terz purschider: LinkedIn Ireland Unlimited Company Wilton Place, Dublin 2 Ireland; cunvegna davart l'utilisaziun e decleraziun davart la protecziun da datas.

Sin questa pagina-web utilisain nus plug-ins socials da la rait sociala Pinterest che vegn administrada da Pinterest Inc., 808 Brannan Street San Francisco, CA 94103-490, USA («Pinterest»). Sche Vus visitais ina pagina che cuntegna in tal plug-in, stabilisescha Voss navigatur ina colliaziun directa cun ils servers da Pinterest. Il plug-in transmetta datas da protocol al server da Pinterest en ils Stadis Unids da l'America. Questas datas da protocol cuntegnan eventualmain Vossa adressa IP, l'adressa da las paginas-web visitadas che cuntegnan medemamain funcziuns da Pinterest, il tip e las configuraziuns dal navigatur, la data ed il temp da la consultaziun, Voss diever da Pinterest sco era cookies.

Dapli infurmaziuns davart l'intent, la dimensiun e l'ulteriura elavuraziun ed utilisaziun da las datas tras Pinterest sco er ils dretgs e las pussaivladads da proteger Vossa sfera privata chattais Vus en las indicaziuns davart la protecziun da datas da Pinterest: https://about.pinterest.com/de/privacy-policy

Sin questa pagina-web èn integradas funcziuns dal servetsch «YouTube». «YouTube» appartegna a Google Ireland Limited, ina societad registrada e manada tenor dretg irlandais cun sedia a Gordon House, Barrow Street, Dublin 4, Irlanda, che gestiunescha ils servetschs en il spazi economic europeic ed en Svizra.

Vossa cunvegna giuridica cun «YouTube» consista da las disposiziuns e cundiziuns che Vus chattais sin: https://www.youtube.com/static?gl=de&template=terms&hl=de. Questas disposiziuns furman ina cunvegna giuridicamain lianta tranter Vus e «YouTube» areguard l'utilisaziun dals servetschs. En la decleraziun davart la protecziun da datas da Google vegn explitgà co che «YouTube» tracta e protegia Vossas datas persunalas, cura che Vus faschais diever dal servetsch.

Questa pagina-web cuntegna in TikTok pixel, in’applicaziun-web per incumbensaders da reclama per fastizar activitads sin lur paginas-web. Per il spazi europeic è responsabel TikTok Technology Limited (10 Earlsfort Terrace, Dublin, Irlanda).

Ulteriuras infurmaziuns chattais Vus en la decleraziun da protecziun da datas da TikTok: https://www.tiktok.com/legal/page/eea/privacy-policy/de-DE?tid=331692250806

Questa pagina-web utilisescha la purschida da Google Maps. Quai ans dat la pussaivladad da mussar a Vus chartas interactivas gist en la pagina-web e Vus pudais profitar uschia d'in diever pratic da la funcziun da chartas. Cun Vossa visita da la pagina-web survegn Google l'infurmaziun che Vus consultais la sutpagina correspundenta da nossa pagina-web. Quai succeda independentamain dal fatg, sche Google metta a disposiziun in conto d'utilisader, cun il qual Vus essas connectada resp. connectà ubain sch'i na dat nagin conto d'utilisader. Ina connexiun cun Google ha per consequenza che Vossas datas vegnan attribuidas directamain a Voss conto. Sche Vus na giavischais nagina attribuziun cun Voss profil tar Google, stuais Vus As deconnectar avant che Vus activais il buttun. Google arcunescha Vossas datas sco profils d'utilisaziun e fa diever da quellas per far reclama, perscrutar il martgà e/u concepir l'atgna pagina-web uschia ch'ella correspunda als agens basegns. Ina tala evaluaziun succeda en spezial (era per utilisadras ed utilisaders senza connexiun) per far reclama adattada als basegns e per infurmar autras utilisadras ed auters utilisaders davart Vossas activitads sin noss pagina-web. Vus avais il dretg da far opposiziun cunter la creaziun da quest profil d'utilisader. Per far valair quel stuais Vus As drizzar a Google. Ulteriuras infurmaziuns davart l'intent e la dimensiun da la relevaziun da las datas e lur elavuraziun tras Google ed autras infurmaziuns davart Voss dretgs e las pussaivladads tecnicas per proteger Vossa sfera privata chattais Vus sin: www.google.de/intl/de/policies/privacy.

Questa pagina-web utilisescha uschenumnads Web Fonts per represchentar ils tips da scrittira a moda unifitgada. Web Fonts vegnan mess a disposiziun da Google. Cura che Vus visitais ina pagina, chargia Voss navigatur ils Web Fonts necessaris en il cache dal navigatur per visualisar correctamain texts e scrittiras. Sche Voss navigatur na sustegna betg Web Fonts, fa Voss computer diever d'ina scrittira da standard.

Ulteriuras infurmaziuns davart Google Web Fonts chattais Vus sin https://developers.google.com/fonts/faq ed en la decleraziun davart la protecziun da datas da Google: https://www.google.com/policies/privacy/

Google Tag Manager è ina soluziun, cun la quala nus pudain administrar uschenumnads tags per paginas-web via ina surfatscha. Uschia integrain nus p.ex. Google Analytics ed auters servetschs da marketing da Google en nossa purschida online. Il Tag Manager implementescha mo ils tags e n'elavura naginas datas persunalas da las utilisadras e dals utilisaders. En vista a l'elavuraziun da datas persunalas da las utilisadras e dals utilisaders vegn renvià a las suandantas infurmaziuns davart ils servetschs da Google. Directivas per l'utilisaziun: https://www.google.com/intl/de/tagmanager/use-policy.html.