La luschezza ed il plaschair èn stads en il center la sonda passada: 373 absolventas ed absolvents d'in studi da Bachelor e 120 d'in studi da Master han festivà ensemen cun famiglias, persunas da la Scolas auta sco er commembras e commembers da la regenza dal chantun Grischun lur diplom academic da la SAS Grischun. Dals totalmain 493 diploms da Bachelor e da Master surdads, èn 76 ids en il chantun Grischun. La festa da diplom da la SAS Grischun è vegnida realisada per l'emprima giada a Tavau.

«La finiziun dal studi è in dals pass ils pli marcants en la vita d'in uman – dal studi a la vita professiunala respectivamain ad in proxim studi. Nus gratulain a nossas absolventas ed a noss absolvents per il success ed als giavischain tut il bun per lur ulteriura via professiunala e persunala», sa legra prof. dr. Gian-Paolo Curcio, rectur da la SAS Grischun. In ferm sistem da furmaziun sco quel da la Svizra na sa distingua betg tras ina suletta via correcta, mabain tras il fatg ch'el è permeabel e lubescha uschia vias da furmaziun multifaras, ha el agiuntà.

Il dumber da diploms surdads

• Bachelor en architectura: 26
• Bachelor en inschigneria da construcziun: 8
• Bachelor en economia da manaschi: 52
• Bachelor en Computational and Data Science: 10
• Bachelor en Digital Business Management: 34
• Bachelor en Digital Supply Chain Management: 10
• Bachelor en Information Science: 33
• Bachelor en Mobile Robotics: 10
• Joint-Bachelor en Multimedia Production: 89
• Bachelor en Optoelectronics: 4
• Bachelor en Sport Management: 56
• Bachelor en Tourissem (per tudestg ed englais): 41
• Master en Data Visualization: 11
• Joint-Master en Digital Communication and Creative Media Production: 36
• Master en Engineering: 1
• Master en New Business: 15
• Master en Sustainable Business Development: 18 
• Master en Tourism and Change (per englais): 14
• Master en User Experience Design: 25

Ils diploms premiads

Mintg'onn vegnan premiadas las meglras absolventas ed ils megliers absolvents. Il 2026 han survegnì premis per ils megliers diploms e las meglras lavurs da diplom:

• Lucca Lauterbach (Schiers, GR), Bachelor en architectura, nota 5.6, sponsur: SIA Grischun
• Alexander Firlbeck (Saas en il Partenz, GR), Bachelor en inschigneria da construcziun, nota 5.4, sponsur: SIA Grischun
• Jana Gartmann (Cuira, GR), Bachelor en economia da manaschi, nota 5.6, sponsur: Würth International 
• Joël Barandun (Einsiedeln, SZ), Bachelor en Computational and Data Science, nota 5.8, sponsur: Inventx 
• Julia Felder (Entlebuch, LU), Bachelor en Digital Business Management, nota 5.4, sponsur: ROB NICOLAS 
• Mitko Gjorgjievski (Igis, GR), Bachelor en Digital Supply Chain Management, nota 5.2, sponsur: Hamilton Bonaduz 
• Anja Ramseier (Ziefen, BL), Bachelor en Information Science, nota 5.5, sponsur: INFICON 
• Fabrizio Cortesi (Poschiavo, GR), Bachelor en Mobile Robotics, nota 5.5, sponsur: Maxon International 
• Vanessa Andermatt (Baar, ZG), Joint-Bachelor en Multimedia Production, nota 5.6, sponsur: Somedia
• Sascha Zumstein (Beatenberg, BE), Bachelor en Optoelectronics, nota 5.7, sponsur: Espros Photonics 
• Flavia Stauffiger (Romanshorn, TG), Bachelor en Sport Management, nota 5.4, sponsur: Swiss Sport Managers
• Jennifer Hofer (Wohlen, AG), Bachelor en turissem, nota 5.5, sponsur: Hotel Schweizerhof, Lai
• Eliane Weiss (Unterägeri, ZG), Master en Business Administration (approfundaziun Sustainable Business Development), nota 5.5, sponsur: Banca chantunala grischuna
• Selina Steiner (Cuira, GR), Master en User Experience Design & Data Visualization, nota 6, sponsur: Inside Reality 

Ultra da las distincziuns per ils megliers diploms èn vegnids surdads era dus premis spezials:

• Dominique Müller (Stans, NW), Bachelor en inschegneria da construcziun, meglra lavur constructiva/tecninca, Swiss Engineering
• Sascha Zumstein (Beatenberg, BE), Bachelor en Optoelectronics, RUAG Innovation Award, RUAG

Ulteriurs detagls

• Studi a la SAS Grischun (en tudestg): fhgr.ch/studium