L'emprima giada cun diploms en Mobile Robotics
02.10.2023
503 studentas e students han la fin da l'emna passada prendì encunter lur titel academic orientà a l'applicaziun da la Scola auta spezialisada dal Grischun (SAS), per l'emprima giada era set absolvents da la purschida da bachelor Mobile Robotics. En tut han 457 studentas e students terminà in studi da bachelor e 46 studentas e students bandunan la scola auta cun in diplom da master. 112 da las diplomadas e dals diplomads abiteschan en il Grischun.
Quest onn termineschan 503 persunas lur studi da bachelor u master a la SAS Grischun. Per la segunda giada en roda vegn surpassà il dumber da 500 diplomadas e diplomads. Dals tut en tut 457 diploms da bachelor èn 100 vegnids surdads ad absolventas ed absolvents da Multimedia Production a Cuira e Berna, il studi ch'è puspè stà frequentà il pli fitg, suandà dal turissem (en tudestg ed englais) cun 81 diploms. 64 studentas e students han terminà cun success lur studi da Sport Management, 58 han obtegnì in diplom tant en economia da manaschi sco er en Digital Business Management, 26 en Information Science, 22 en Service Design, 17 en architectura, 13 en inschigneria da construcziun, 11 en Photonics e set en Mobile Robotics.
Sin il stgalim da master ha la SAS Grischun dastgà surdar en tut 46 diploms. 21 absolventas ed absolvents han fatg in master en New Business e tschintg han terminà il studi da master Tourism and Change (en englais). Per ventg studentas e students va il temp da studi a fin cun in diplom en Information and Data Management. La purschida è vegnida sviluppada vinavant: l'auter onn vegnan surdads diploms en Data Visualization ed User Experience Design. 112 dals 503 diploms han survegnì persunas dal chantun Grischun.
Per l'emprima giada hai dà diploms en Mobile Robotics, l'unica purschida da bachelor da quest gener en Svizra insumma. Ils set piuniers chapeschan ils sistems intelligents davos roboters autonoms e pon sviluppar e programmar quels. Mobile Roboter èn sistems che sgolan, nodan u charreschan che adempleschan autonomamain incumbensas specificas: transportar containers sur l'Atlantic, tschertgar survivents en territoris pertutgads d'ina catastrofa e bler auter. La festa da diplom da las studentas e dals students da bachelor e da master è vegnida sustegnida da las sponsuras principalas Schönholzer AG da Cuira e Centronics AG da Landquart.
Premis per las meglras ed ils megliers
Sco mintg'onn hai er a questa festa da diplom dà undraziuns per las meglras absolventas ed ils megliers absolvents da la SAS Grischun. In premi per ils megliers examens e las meglras lavurs da diplom han retschavì:
- Arno Zarn (Cuira, GR), bachelor architectura, nota 5.24, sponsura: SIA Graubünden
- Samuel Thöny (Maienfeld, GR), bachelor inschigneria da construcziun, nota 5.41, sponsura: SIA Graubünden
- Hannes Vögeli (Engi, GL), bachelor economia da manaschi, nota 5.4, sponsura: Würth International
- Marion Spitz (Claustra, GR), bachelor Digital Business Management, nota 5.54, sponsur: ROB NICOLAS
- Ines Trezzini (Altdorf, UR), bachelor Information Science, nota 5.6, sponsur: Inficon
- Roger Fleisch (Schlieren, ZH), bachelor Mobile Robotics, nota 5.6, sponsur: Auxivo
- Christoph Blank (Bubendorf, BL), bachelor Multimedia Production, nota 5.45, sponsura: Somedia
- Deborah Kühne (Otelfingen, ZH), bachelor Multimedia Production, nota 5.45, sponsura: Somedia
- Sabine Kaufmann (Tavau Vitg, GR), bachelor Photonics, nota 5.8, sponsur: Espros Photonics
- Luise Weinert (Rümlang, ZH), bachelor Service Design, nota 5.48, sponsura: studi Service Design
- Nicolas Kränzle (Thürnen, BL), bachelor Sport Management, nota 5.45, sponsura: Swiss Sport Managers
- Julienne Bérard (Aesch, ZH), bachelor turissem, nota 5.45, sponsur: Hotel Schweizerhof
- Nathalie Rutschi (Sumiswald, BE), bachelor turissem, nota 5.45, sponsur: Hotel Schweizerhof
- Susanne Knoepfel (Gais, AR), master Information and Data Management, nota 5.6, sponsura: Banca Chantunala Grischun
Ultra da las undraziuns per ils megliers examens èn vegnids surdads quatter premis spezials:
- Sandro Schmid (Dornbirn, AT), bachelor inschigneria da construcziun, premi spezial Swiss Engineering per la meglra lavur constructiva
- Gianluca Keel (Zezras, GR), bachelor inschigneria da construcziun, Best of Bachelor, cussegl dal fatg inschigneria da construcziun SAS Grischun
- Samuel Thöny (Maiavilla, GR), bachelor inschigneria da construcziun, Best of Bachelor, cussegl dal fatg inschigneria da construcziun SAS Grischun
- Yves Allenspach (Lohn-Ammannsegg, SO), bachelor Mobile Robotics, Siemens Excellence Award
- Noel Frey (Cuira, GR), bachelor Photonics, RUAG Innovation Award
Ulteriurs detagls
- survista da purschidas da studis da bachelor e master (en tudestg): fhgr.ch/studium
ulteriuras infurmaziuns
Scuola universitaria professionale dei Grigioni
Quale scuola universitaria intraprendente, la SUP Grigioni punta sul pensiero dinamico e sull’approccio proattivo. Con questo modo di pensare contribuisce a plasmare il futuro in modo sostenibile. L’insegnamento e la ricerca presso la Scuola universitaria professionale dei Grigioni sono interdisciplinari e orientati alle sfide pratiche nell’economia e nella società. La SUP Grigioni forma i suoi ben 2'400 studenti a diventare personalità altamente qualificate e responsabili. Essa offre cicli di studio e corsi di perfezionamento in Architettura, Ingegneria civile, Computational and Data Science, Digital Supply Chain Management, Information Science, Management, Mobile Robotics, Multimedia Production, Photonics nonché in Turismo. Nella propria ricerca, la SUP Grigioni si concentra sui temi delle tecnologie future applicate, dello sviluppo nell’area alpina e dell’attività imprenditoriale, agendo anche in modo partecipativo all’interno di laboratori reali. La partecipazione attiva di tutti gli attori della scuola universitaria contribuisce al continuo sviluppo della stessa nonché della qualità dell’intero l’istituto. fhgr.ch