Festa da diplom da bachelor e master 2022
26.09.2022
Anc mai en sia istorgia da 59 onns n'ha la Scola auta spezialisada dal Grischun pudì surdar tants diploms. 534 studentas e students han la fin da l'emna passada prendì encunter lur titel academic orientà a l'applicaziun. En tut han 455 studentas e students terminà in studi da bachelor e 79 studentas e students bandunan la scola auta cun in diplom da master. Ils diploms èn vegnids surdads a 327 dunnas e 207 umens. 119 da las diplomadas e dals diplomads abiteschan en il Grischun.
Quest onn termineschan 534 umans lur studi da bachelor u master a la SAS Grischun. Gia ils trais onns passads ha la scola auta pudì annunziar records da diploms, ma quest onn èsi anc ina gia indesch pertschient dapli che l'onn precedent e per l'emprima gia insumma èn vegnidas diplomadas passa 500 persunas. Dals tut en tut 455 diploms da bachelor èn 96 vegnids surdads ad absolventas ed absolvents da Multimedia Production a Cuira e Berna, il studi il pli ferm, suandà dal turissem (en tudestg ed englais) cun 94 diploms. 58 studentas e students han terminà cun success lur studi da Digital Business Management, 56 han obtegnì in diplom en economia da manaschi, 44 en Information Science, 33 en Sport Management, 29 en Service Innovation Design, 19 en architectura, 16 en inschigneria da construcziun e 10 en Photonics.
Sin il stgalim da master ha la SAS Grischun dastgà surdar en tut 79 diploms, era quai in nov record. 31 absolventas ed absolvents han fatg in master en New Business e tuttina blers han reussì en Tourism and Change (mo per englais). En pli han ins undrà 17 absolventas ed absolvents dal rom Information and Data Management. Dals 534 diploms han dunnas retschavì 327 ed umens 207. 119 da las diplomadas e dals diplomads abiteschan en il Grischun.
Suenter ina pausa da dus onns èsi quest onn puspè stà pussaivel d'arranschar la festa da diplom en in rom grond en il Forum im Ried a Landquart. L'occurrenza è vegnida sustegnida da las sponsuras principalas Schönholzer AG da Cuira e Centronics AG da Landquart.
Premis per las meglras ed ils megliers
Sco mintg'onn hai er a questa festa da diplom dà undraziuns per las meglras absolventas ed ils megliers absolvents da la SAS Grischun. In premi per ils megliers examens e las meglras lavurs da diplom han retschavì:
- Corsin Bundi (Cuira, GR), bachelor architectura, nota 5.73, sponsura: SIA Graubünden
- Fabio Länzlinger (Grub, AR), bachelor inschigneria da construcziun, nota 5.54, sponsura: SIA Graubünden
- Gianna Pfister (Domat, GR), bachelor economia da manaschi, nota 5.49, sponsura: Würth International
- Alea Cavegn (Walenstadt, SG), bachelor Digital Business Management, nota 5.69, sponsur: Viaduct
- Marina Inglin (Rothenthurm, SZ), bachelor Information Science, nota 5.59, sponsur: Inficon
- Tamara Reichle (Turitg, ZH), bachelor Multimedia Production, nota 5.71, sponsura: Somedia
- Jan Villiger (Beinwil, AG), bachelor Photonics, nota 5.67, sponsur: Espros Photonics
- Margaux Hasler (Turitg ZH), bachelor Service Innovation Design, nota 5.53, sponsura: Destination Davos Klosters
- Murielle Saxer (Wetzikon, ZH), bachelor Sport Management, nota 5.33, sponsur: Swiss Sport Managers
- Yannick Messmer (Speicher, AR), bachelor Tourismus, nota 5.52, sponsur: Hotel Schweizerhof
- Anna-Katharina Kilp (Winterthur, ZH), master Tourism and Change, nota 5.77, sponsura: Banca Chantunala Grischuna
Ultra da las undraziuns per ils megliers examens èn vegnids surdads dus premis spezials:
- Julian Hungerbühler (Uetikon am See, ZH), bachelor inschigneria da construcziun, premi spezial Swiss Engineering per la meglra lavur constructiva
- Florian Schütz (Muolen, SG), bachelor Photonics, premi spezial Siemens Excellence Award
Ulteriurs detagls:
- survista da purschidas da studis da bachelor e master: fhgr.ch/studium
Ulteriuras infurmaziuns:
Jürg Kessler, rectur
+41 81 286 24 25
juerg.kessler@clutterfhgr.ch
![[Translate to Rätoromanisch:] Die besten Bachelor- und Master-Absolventinnen und -Absolventen 2022 der FH Graubünden: (hinten, v.l.n.r.) Jan Villiger (Bachelor Photonics), Murielle Saxer (Bachelor Sport Management), Julian Hungerbühler (Bachelor Bauingenieurwesen, Spezialpreis), Florian Schütz (Bachelor Photonics, Spezialpreis), Yannick Messmer (Bachelor Tourismus), Gianna Pfister (Bachelor Betriebsökonomie). (vorne, v.l.n.r.) Brigitta M. Gadient (Präsidentin des FHGR-Hochschulrats), Corsin Bundi (Bachelor Architektur), Fabio Länzlinger (Bachelor Bauingenieurwesen), Marina Inglin (Bachelor Information Science), Alea Cavegn (Bachelor Digital Business Management), Anna-Katharina Kilp (Master Tourism and Change), Jürg Kessler (Rektor der FH Graubünden). Es fehlen: Margaux Hasler (Bachelor Service Innovation Design), Tamara Reichle (Bachelor Multimedia Production).](/fileadmin/_processed_/6/4/csm_news-fhgr-bachelor-master-diplomfeier-2022_b40b44955e.jpg)
ulteriuras infurmaziuns
Scuola universitaria professionale dei Grigioni
Quale scuola universitaria intraprendente, la SUP Grigioni punta sul pensiero dinamico e sull’approccio proattivo. Con questo modo di pensare contribuisce a plasmare il futuro in modo sostenibile. L’insegnamento e la ricerca presso la Scuola universitaria professionale dei Grigioni sono interdisciplinari e orientati alle sfide pratiche nell’economia e nella società. La SUP Grigioni forma i suoi ben 2'400 studenti a diventare personalità altamente qualificate e responsabili. Essa offre cicli di studio e corsi di perfezionamento in Architettura, Ingegneria civile, Computational and Data Science, Digital Supply Chain Management, Information Science, Management, Mobile Robotics, Multimedia Production, Photonics nonché in Turismo. Nella propria ricerca, la SUP Grigioni si concentra sui temi delle tecnologie future applicate, dello sviluppo nell’area alpina e dell’attività imprenditoriale, agendo anche in modo partecipativo all’interno di laboratori reali. La partecipazione attiva di tutti gli attori della scuola universitaria contribuisce al continuo sviluppo della stessa nonché della qualità dell’intero l’istituto. fhgr.ch