Malgrà in ambient cun grondas sfidas guarda la SAS Grischun enavos sin in 2025 da success. Per l’ina perquai ch’il dumber total da studentas e students en las purschidas da bachelor e da master è s’augmentà  per bun quatter pertschient sin 2003 studentas e students en cumparegliaziun cun l’onn avant. Per l’autra grazia a programs da furmaziun cuntinuada dumandads ed als success tar la perscrutaziun. Quella ha pudì acquirir meds da promoziun substanzials che han contribuì a stabilisar l’entir sectur da perscrutaziun. Malgrà questa bilantscha positiva lavura la SAS dal Grischun vi da ses ulteriur svilup e sa posiziunescha pli ferm sin nivel naziunal ed internaziunal. In grond pass en questa direcziun pon ins far cun il Center da la Scola auta spezialisada dal Grischun. La construcziun è en plaina acziun ed il Campus survegn adina dapli furma.

Nulla naira

Tut en tut concluda la SAP Grischun l’onn 2025 cun in resultat equilibrà da  0.6 miu CHF. Cun las mesiras da spargn annunziadas da la Confederaziun en il rom dal pachet da distgargia 27 prevesan las scolas autas svizras dentant temps pretensius. Oravant tut taxas da studi pli autas e contribuziuns reducidas per la perscrutaziun e l’innovaziun pudessan chaschunar ina reducziun considerabla dals meds finanzials federals e render pli difficil l’access a la furmaziun universitara. Tant pli impurtant èsi che la SAS Grischun mettia il focus sin sia cumpetenza centrala da la furmaziun universitara e ch’ella orienteschia sia perscrutaziun consequentamain tenor ils basegns da la societad futura. Per quest intent ha il cussegl da la scola auta definì accents da svilup en ils secturs tecnica ed IT, svilup economic, provediment integrà dal territori alpin sco era l’attractivitad da la scola auta.

Cifras detagliadas sco er ulteriurs highlights da l’onn passà vegnan preschentads en il rapport annual 2025 ed en il rapport da perscrutaziun accumpagnant.

Ulteriurs detagls

• Rapport annual 2025
• Invista en la perscrutaziun 2026