Surdà 423 diploms da bachelor e da master
29.09.2025
Cun surdar ils diploms da bachelor e da master la fin d'emna passada finescha per 423 giuvnas e giuvens lur temp da studi a la Scola auta spezialisada dal Grischun. Per l'emprima giada ha la scola surdà titels academics en cooperaziun cun l'Universitad da Friburg en ils studis Digital Supply Chain Management e Digital Communication and Creative Media Production.
Luschezza e plaschair èn stads en il center a chaschun da las surdadas da venderdi e sonda passada: 310 absolventas ed absolvents d'in studi da bachelor e 113 d'in studi da master han festivà ensemen cun lur famiglias, cun il persunal da la scola auta e cun commembers da la Regenza grischuna lur studi terminà cun success a la SAS Grischun. Dals totalmain 423 diploms da bachelor e da master èn 70 vegnids surdads en il chantun Grischun. «Nus gratulain a nossas absolventas ed a noss absolvents per quest success. Grazia a lur diplom appartegnan ellas ed els al circul da las persunas qualifitgadas tschertgadas en il chantun ed en las autras regiuns da la Svizra», sa legra prof. dr. Gian-Paolo Curcio, il rectur da la SAS Grischun.
La SAS Grischun ha surdà per l'emprima giada il titel «Bachelor of Science FHGR en economia da manaschi cun direcziun da studi Digital Supply Chain Management». Uschia èn las diplomandas ed ils diplomands bain preparads per transfurmar digitalmain las interpresas e sviluppar soluziuns innovativas per garantir il success da las chadainas da valurisaziun – saja quai en l'industria, en il commerzi u en interpresas da servetschs. Ina premiera festivescha quest onn ultra da quai in joint degree da la SAS Grischun cun l'Universitad da Friburg. Per l'emprima giada surdattan tuttas duas scolas autas in diplom da master en Digital Communication and Creative Media Production. La festa da diplom da la SAS Grischun è vegnida sustegnida dals sponsurs principals Schönholzer da Cuira e Centronics Eventtechnik da Landquart.
Il dumber dals diploms surdads
- bachelor en architectura: 14
- bachelor en inschigneria da construcziun: 13
- bachelor en economia da manaschi: 23
- bachelor en Computational and Data Science: 6
- bachelor en Digital Business Management: 56
- bachelor en Digital Supply Chain Management: 6
- bachelor en Information Science: 20
- bachelor en Mobile Robotics: 14
- joint bachelor en Multimedia Production: 68
- bachelor en Photonics: 3
- bachelor en Service Innovation Design: 11
- bachelor en Sport Management: 53
- bachelor en turissem (en tudestg ed englais): 33
- master en Data Visualization: 4
- joint master en Digital Communication and Creative Media Production: 26
- master en New Business: 17
- master en Sustainable Business Development: 21
- master en Tourism and Change (en englais): 14
- master en User Experience Design: 31
Ils diploms premiads
Mintg'onn vegnan distingui:das las meglras absolventas ed ils megliers absolvents. L'onn 2025 han survegnì premis per ils megliers diploms e las meglras lavurs da diplom:
- Joshua Eggenberger (Oberdorf, SO), bachelor en architectura, nota 5.33, sponsura: SIA Grischun
- Lukas Ess (Dornbirn, AT), bachelor en inschigneria da construcziun, nota 5.7, sponsura: SIA Grischun
- Nadine Cotti (Chur, GR), bachelor en economia da manaschi, nota 5.5, sponsura: Würth International
- Flavio Dunlop-Pfister (Altendorf, SZ), bachelor en Computational and Data Science, nota 5.5, sponsura: Inventx
- Julia Petschulat (Heiden, AI), bachelor en Digital Business Management, nota 5.5, sponsur: ROB NICOLAS
- Rony Schädler (Zürich, ZH) e Cedric Stähli (Wangs, SG), bachelor en Digital Supply Chain Management, nota 5.3, sponsur: LOGJOB
- David Schober (Scheuren, BE), bachelor en Information Science, nota 5.55, sponsur: Inficon
- Simon Müller (Münchenstein, BL), bachelor en Mobile Robotics, nota 5.7, sponsura: Auxivo
- Simone Reinhard (Alpnach Dorf, OW), bachelor en Multimedia Production, nota 5.48, sponsura: Somedia
- Severin Hanke (Unterägeri, ZG), bachelor en Photonics, nota 5.2, sponsura: Espros Photonics
- Benjamin Maier (Rapperswil, SG), bachelor en Sport Management, nota 5.4, sponsur: Swiss Sport Managers
- Julia Mauchle (Gossau, SG), bachelor en turissem, nota 5.6, sponsur: Hotel Schweizerhof, Lai
- Stefanie Gross (Lemberg, DE), master en Business Administration (Sustainable Business Development), nota 5.7, sponsura: Banca Chantunala Grischuna
- Laura Lackner (Bern, BE), master en User Experience Design & Data Visualization, nota 5.52, sponsura: Zeix
Ultra da las distincziuns per ils megliers diploms èn vegnids surdads era 4 premis spezials:
- Rouven Inauen (Appenzell, AI), bachelor en inschigneria da construcziun, melgra lavur constructiva / tecnica, Swiss Engineering
- Rouven Inauen (Appenzell, AI) e Dominik Müller (Balgach, SG), bachelor en inschigneria da construcziun, Best of Bachelor, gremi d'experts inschigneria da construcziun FH
- Christoph Zimmermann (Vättis, SG), bachelor en Mobile Robotics Computational and Data Science, Siemens Excellence Award, Siemens
- Sangeeths Chandrakumar (Zürich, ZH), bachelor en Computational and Data Science, RUAG Innovation Award, RUAG
Ulteriurs detagls
- studi a la SAS Grischun: fhgr.ch/studium(en tudestg)
ulteriuras infurmaziuns
datotecas
- fhgr-news-diplomfeier-2025-beste-abschluesse.jpgIls megliers da lur annada e purtaders dals premis spezials a la Scola auta spezialisada dal Grischun durant l'onn 2025 èn: (davos da sanestra) Joshua Eggenberger, Lukas Ess, Julia Petschulat, Rouven Inauen, Dominic Müller, (amez da sanestra) Flavio Dunlop-Pfister, Simon Müller, Severin Hanke, Laura Lackner, Christoph Zimmermann, Sangeeths Chandraumar, (davant da sanestra) Nadine Cotti, Rony Schädler, Cedric Stähli, Benjamin Maier, Stefanie Gross, Simone Reinhard, Julia Mauchle. I manca: David Schober
La Scola auta spezialisada dal Grischun
Sco scola auta metta la SAS Grischun il focus sin in pensar dinamic ed in agir proactiv. Questa tenuta la gida a concepir l'avegnir. La purschida da studis s’orientescha tenor las sfidas praticas da l’economia e da la societad. Sias 2400 studentas e students en scolaziun e perfecziunament furma ella a persunalitads responsablas. La SAS Grischun porscha studis e perfecziunaments en ils roms «architectura ed inschigneria da construcziun», «medias, tecnica ed IT» sco er «economia, servetschs e scienza d’infurmaziun». En sia perscrutaziun interdisciplinara e transdisciplinara metta ella il focus sin ils temas tecnologias futuras applitgadas, il svilup en il spazi alpin e l'agir tenor princips d'interpresa. Cun sias activitads contribuescha la SAS Grischun al success ed a la cumpetitivitad da persunas, instituziuns e regiuns. Ella ha fermas ragischs en la regiun, è d’impurtanza naziunala ed irradiescha en l’entir mund. fhgr.ch/rm