La gruppa professiunala da linguas estras porscha curs da linguas en englais, spagnol, franzos, talian, russ, tudestg sco lingua estra, rumantsch grischun e sursilvan. Studentas e students pon sa preparar per in examen da certificat u perfecziunar lur cumpetenzas linguisticas specificas per la professiun. Duront in modul d’elecziun en englais pon ellas ed els er emprender las basas linguisticas per ina dimora a l’exteriur.

Il «Surselva Lab» cun sedia a Glion gida a promover la collavuraziun tranter la perscrutaziun e la pratica en la regiun Surselva. La finamira è da sviluppar soluziuns persistentas e da crear ina plivalur durabla per la regiun.

Il project da pilot per optimar la mobilitad a Mustér duai procurar che la populaziun indigena ed ils giasts cuntanschian Mustér a moda flexibla e senza stuair guardar sin l'ura. Igl è la finamira da sviluppar in sistem da mobilitad economic che cumplettescha optimalmain las purschidas existentas.

La SAS Grischun offra purschidas da bachelor, master e perfecziunament en las suandantas disciplinas: architectura, inschigneria da construcziun, Digital Science, management, Multimedia Production, Photonics, Mobile Robotics, tecnica e turissem. Ella fa perscrutaziun applitgada e porscha servetschs en tut quests roms.

La Regenza vul posiziunar il Grischun sco chantun muntagnard innovativ e digital. L'innovaziun e la scolaziun dal persunal qualifitgà necessari èn facturs decisivs en quest connex. La Scola auta spezialisada haja qua ina rolla impurtanta, di Marcus Caduff, il directur da l'economia publica, en l'intervista.

En la vita da Flurina Huonder furman differents «fils» raits custaivlas. Ma sia «rait per l'entira vita» ha l'anteriura studenta da la Scola auta spezialisada dal Grischun (SAS) chattà en l'uniun da studentas e students AV Curiensis.

Nizzegiar la digitalisaziun per rinforzar la lingua rumantscha sin plaun naziunal, quai è la motivaziun da «Translatur-ia». Cun quest project da perscrutaziun mussa la Scola auta spezialisada dal Grischun ils potenzials e las sfidas dal svilup d'applicaziuns linguisticas.